ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

អ៊ុយក្រែននិងរុស្សីនឹងត្រូវប្រឈមមុខគ្នានៅតុលាការយុត្តិធម៌អន្តរជាតិជុំវិញបញ្ហាយន្តហោះ MH17

  • ចុះផ្សាយថ្ងៃទី១៧ ខែឧសភា ឆ្នាំ២០២៣ ម៉ោង ១៣:៤៦ នាទី ដោយ Mesa
  • 1615
  Aa |   aA

អន្តរជាតិ៖ អ៊ុយក្រែន និងរុស្ស៊ីនឹងត្រូវប្រឈមមុខគ្នានៅចំពោះមុខតុលាការកំពូលរបស់អង្គការសហប្រជាជាតិនៅថ្ងៃទី៦ ខែមិថុនាខាងមុខនេះ ពោលគឺចៅក្រមនឹងស្តាប់ការអះអាងរបស់អ៊ុយក្រែនដែលថាទីក្រុងមូស្គូបានរំលោភលើសន្ធិសញ្ញាអង្គការសហប្រជាជាតិដោយគាំទ្រក្រុមបំបែកខ្លួនមួយដែលមាននិន្នាការគាំទ្រទៅលើប្រទេសរុស្សីផ្ទាល់ ដែលក្រុមបំបែកខ្លួននោះត្រូវបានកំណត់ដោយតុលាការហូឡង់ថាជាអ្នកទទួលខុសត្រូវចំពោះឧបទ្ទវហេតុធ្លាក់យន្តហោះ MH17 កាលពីឆ្នាំ២០១៤។ 

កាលពីខែវិច្ឆិកាឆ្នាំមុន តុលាការហូឡង់បានកាត់ទោសបុរសជនជាតិរុស្សីពីរនាក់ និងជនជាតិអ៊ុយក្រែនម្នាក់កំបាំងមុខពីបទមនុស្សឃាត ចំពោះការបំពេញតួនាទីរបស់ពួកគេក្នុងការបាញ់ទម្លាក់យន្តហោះ MH17 ដែលបណ្ដាលឱ្យមានការបាត់បង់ជីវិតអ្នកដំណើរ និងនាវិកសរុបចំនួន ២៩៨នាក់ ដោយបានដាក់ទោសបុគ្គលទាំងបីរូបនោះដាក់ពន្ធនាគារអស់មួយជីវិត។ 

គួររំឮកថា ជើងហោះហើរ MH17 របស់ក្រុមហ៊ុនអាកាសចរណ៍ Malaysia Airlines បានធ្វើដំណើរចាកចេញពីទីក្រុង Amsterdam ប្រទេសហូឡង់ ក្នុងគោលបំណងហោះហើរទៅកាន់ទីក្រុង Kuala Lumpur ប្រទេសម៉ាឡេស៊ី ហើយក្រោយមក៏ត្រូវបានគេបាញ់ទម្លាក់នៅភាគខាងកើតប្រទេសអ៊ុយក្រែន កាលពីថ្ងៃទី១៧ ខែកក្កដា ឆ្នាំ២០១៤ ខណៈដែលការប្រយុទ្ធគ្នាបានផ្ទុះឡើងរវាងក្រុមផ្តាច់ខ្លួនដែលគាំទ្ររុស្ស៊ី និងកងកម្លាំងអ៊ុយក្រែន ដែលជាបុព្វហេតុមួយនាំឱ្យមានជម្លោះក្នុងឆ្នាំនេះផងដែរ។

ក្រៅពីនេះ សេចក្តីសម្រេចរបស់តុលាការហូឡង់ក៏បានរកឃើញថា ប្រទេសរុស្ស៊ីក៏មានការគ្រប់គ្រងជារួមលើកងកម្លាំងនៃសាធារណរដ្ឋប្រជាមានិត Donetsk នៅភាគខាងកើតអ៊ុយក្រែនចាប់ពីពាក់កណ្តាលខែឧសភា ឆ្នាំ២០១៤ផងដែរ។ តុលាការយុត្តិធម៌អន្តរជាតិ ក្នុងនាមជាតុលាការកំពូលពិភពលោកបានកំណត់ពេលសវនាការចំនួនបួនថ្ងៃសម្រាប់រឿងនេះ ពោលគឺនៅថ្ងៃទី៦ ថ្ងៃទី៨ ថ្ងៃទី១២ និងថ្ងៃទី១៤ ខែមិថុនាខាងមុខ ដើម្បីស្តាប់ការអះអាង និងពិនិត្យភស្តុតាងរបស់ភាគីទាំងពីរនៃសំណុំរឿងនេះ។

គួរបញ្ជាក់ថា បណ្ដឹងនេះបានដាក់ឱ្យមានដំណើរការកាលពីឆ្នាំ២០១៧ ហើយក៏ជាករណីមួយដែល​អ៊ុយក្រែន​បានលើក​យក​មក​ប្រឆាំង​នឹង​រុស្ស៊ី​នៅ​តុលាការអន្តរជាតិ។ ដោយឡែក សំណុំរឿងមួយទៀតដែលកំពុងមានការតតាំងគ្នានៅតុលាការយុត្តិធម៌៌អន្តរជាតិដែរនោះ គឺការទាមទារនិងអះអាងរបស់រុស្សីចំពោះការលុកលុយទៅលើអ៊ុយក្រែនថាដើម្បីការពារការប្រល័យពូជសាសន៍។ ជាធម្មតា គេត្រូវចំណាយពេលច្រើនឆ្នាំសម្រាប់សំណុំរឿងនៅ ICJ ដើម្បីឈានដល់ដំណាក់កាលនៃសវនាការលើការជាប់ពាក់ព័ន្ធក្នុងសំណុំរឿងនីមួយៗ៕



ព័ត៌មានជាច្រើនទៀតសម្រាប់អ្នក